O‘qituvchilik shunday kasbki, sharafli, faxrli, shu bilan birga juda mas’uliyatlidir. Bilim berish jarayonida qo‘yilgan kichik xato ertaga katta fojeani keltirib chiqarishi shubhasiz. Ayniqsa, shifokor bo‘lishni istaydigan o‘quvchilarning 22-son maktabda ko‘pchilikni tashkil qilishi bugun o‘qituvchilarning o‘z ishiga yanada chuqurroq yondashib, mas’uliyat bilan ishlashlariga sabab bo‘ladi. Chunki, inson taqdiri, salomatlik bilan bog‘liq kasblarda adashishga haqqimiz yo‘q.


Qo‘shko‘pir tumani hokimi Shuxrat Ahmedov 22-son maktabda bo‘lib, o‘quvchi va o‘qituvchilar bilan uchrashuvda ushbu so‘zlarni aytar ekan, ta’lim-tarbiya masalalari ertamizni hal qiluvchi kuchga aylanganini ta’kidladi.